Fagor Automationek FR Engraving S.r.l enpresa eskuratu du

Fagor Automationek Legnanoko (Italia) FR Engraving S.r.l. enpresaren akzio gehienak eskuratu ditu.
Enpresa teknologikoa da, eta metalezko zumitzean eta beiran oinarritutako substratu grabatuak ikertu, garatu, fabrikatu eta merkaturatzen ditu. Grabaketa hori hainbat prozesuren bidez egiten da.

Eragiketa maiatzaren 23an formalizatu zen, kapitalean Fagor Automationek % 51ko partaidetza nagusia zuela.

Fagor Automationek bere dibertsifikazio-politikari lotutako gaitasun teknologikoak indartzearen aldeko apustua berresten du eragiketa honekin, hainbat aplikaziotako desplazamenduetako neurketaren esparruan.

“Gure berrikuntza-estrategiaren barruan erabat lerrokatutako eragiketa da, eta azken urteotan gure core teknologiak indartzera bideratu dugu. Eskuratze horrek neurketa-substratu berriak garatzen lagunduko du, Fagor Automationen produktu-sorta zabala osatzeko eta haren prestazioak are gehiago hobetzeko”, ziurtatu du Jose Emilio Oti Fagor Automationeko Kaptazio Sistemen negozioko I+G zuzendariak.

 

Dibertsifikazio sektoriala

Eskuratze berri hori Fagor Automationen estrategiaren beste adibide bat da, teknologiaren aldeko apustua indartzen jarraitzea baitu lehentasunezko helburu. Zehazki, Fagor Automationen kaptazio-dibisio sistemen plan estrategikoaren ildo nagusietako bat Makina Erremintatik kanpoko beste sektore batzuetan negozioa sortzea da.

FR Engraving eskuratuta, beste sektore horien garapenean eragin zuzena duena, Fagor Automationek lidergo-espiritua indartu du eta aurrera egin du bezeroei beren beharrei erantzungo dieten irtenbiderik onenak eskaintzen jarraitzeko.

Automatizazioko eta makinen kontroleko produktuen garapenean eta fabrikazioan eskarmentu handia duen enpresa gipuzkoarrak hardwarea eta softwarea garatzekoagatik nabarmentze da, bai eta bere ekoizpen-sistemak irtenbide pertsonalizatuak eskaintzeko duen malgutasunagatik ere.

Fagor Automationek Norgestion enpresaren laguntza izan du transakzio honetan finantza-aholkulari gisa, eta Quorum Studio Legale e Tributorio Asociato bulego italiarrak lege-aholkulari gisa jardun du.

Utzi iruzkin bat