Fagor Automation Unity Primarekin elkarlanean ari da aspalditik. Unity prima laser bidezko mozketak egiten dituen makina fabrikatzaile nagusienetakoa da Txinan. Bi enpresak makinen optimizazioa handitzeko ari dira elkarlanean. Kontribuzio honegatik enpresa gipuzkoarraren zenbakizko kontrolak laserraren merkatu txinatarrean erreferente nagusi bezala posizionatu dira.Laserra erreminta unibertsala
Laserra, XX. mendean egin diren hiru asmakizun nagusienen artean dago. Erreminta unibertsaltzat hartzen da, aplikazio aniztasuna eskaintzen du mundu industrialean, zein etxeko erabileran.Exijentzia tekniko altuko zenbait prozesatze-industrialen prozedurek laser bidezko prozesatzeekin osatuak egon behar dute. Makina horiek mozketan doitasun altua izan behar dute eragiketa hauek egiteko: soldadura, zulaketa, mekanizatu bereziak, materialen modifikazioa.
Unity Prima, laser bidezko mozketan erreferentzia
Merkatu honen lehen lerroan leian Shanghai Unity Prima Laser Machinery Co., Ltd. aurkitu genezake. Txinako potentzia handiko laser bidezko mozketak egiten dituzten makinen ekoizle nagusienetakoa. Merkatu nazionalaren %50 baino gehiago hartzen du.
Bere produktuak armagintza sektorean erabiltzen dira nagusiki, sistema aeroespazialetan, garraioan, petrolioan,… eta bezero sarea India, Australia, Hego Korea, Taiwan, Vietnam, Singapur, Malasia, Errusia, Turkia edo Brasilen besteak beste.
Unity Primaren helburuetako bat da, laserraren industrian, balio erantsi altuko aplikazioetan mundu mailako lau enpresa nagusienen artean kokatzea (egun 7. posizioan dago). Helburu honetara iristeko, ikerketa eta garapenean inbertsio handi bat egitea dauka aurreikusita, eraginkortasun handiko eta abangoardiako produktuak lortzeko.
Fagor Automationek makinen funtzioak eta prestazioak handitu ditu
Fagor Automation Unity Primarekin elkarlanean ari da aspalditik makinen errendimendua optimizatu asmoz. Elkarlan horren ondorioz, Txinako laserraren merkatuan Fagorren CNCak erreferente bihurtu dira.
Fagorren abiadura handiko mekanizatuak dakartzan abantailak ezagunak dira. Horretaz gain, bere CNCekin urruneko laser sistemak kontrola ditzake, bere makinen lehiakortasuna eta prestakuntzak hobetuz.
Berriki, bi enpresen arteko elkarlanaren fruitua izan da “saretxo mozketa” deituriko CNC8070en funtzionalitate berria. Funtzionalitate hau, mekanizatu estrategia bat da eta nabarmen hobetzen du makinaren eraginkortasuna xafla bakar batetik pieza asko atera behar direnean. Mozketak egiten direnean, burua abiadura handia mugituko da xaflaren gainean laserraren argia piztu eta itzaltzen den bitartean.
Adibide gisa, SLCF-XL modeloa aipatu daiteke. Modelo honek perfekzioz konbinatzen ditu cantilever motako laser bidezko makinaren argi-bolante ibilbidea duen plataforma txikia eta airbone portico motako mozketarako makinak. Honela prozesatze eskaintza zabalago bat eskaintzen du. Bere ohiko aplikazioa tamaina handiko xaflen mozketan erabiltzen da orokorrean itsasontzi, zubi edo bestelako eraikuntza lanetan.
Iturria:Tope